ياالله انهض يا عراقي .... وحطّم أسوار البغي والطائفيه
 وّصيح انت بأعلى صوت .... أنريد دولة مدنيّه
 كافي هذا الشعب يذبح .... بالتطرّف والأفكار المذهبيه
 أتًظاهر أنت وأعتصم ... وطنّا أنّباك ظلّت بس بقيه
 وأذا ما تنتفضّ هذا اليوم ... تراك تنام ما تِلّكه عَشْويه
 قضاء مسيس والبرلمان ضعيف
 وحكومة فاشله ولأقتصادمخيف
 ولفساد كبير ما نلكاله توصيف
 فأقرا الفاتحه عالأمن والخدمات
 وتْرحّم على الأيام الهنيه
 يوميه الغدروالقتل والتهجير ... وضيم البينا أبدما لَهْ هواده
 واللي رايد يذكر الله ويندعي ... عليه وتنهدم دور العباده
 والسياسييين اللي انتخبتوهم ... كلبو بالدخل وباكوْ الخرجيه
 دعاة الدين وهمه أقرب للكفر والزندقه والبلطجيه
 باكو فلوس اليتامى وأشتروْ أغلى الفنادق والفِلَلْ
 أولادهم بأرقى المدارس والسفر مجاني الهم بالعطل
 وين ما يردون مفتوحه الخزينه والسياحه علا الدول
 وذاك ابن الخايبه لا دراسة ولا حياة ولا أمل
 بّيده شايل بندقيته
 ياهو يتحمل خطيته
 يوم يوكع بالخطوط الأماميه
 صبرنا وما بعد نصبر على المًرّ ... كافي نريد حريه
 ونريد الوطن مهيوب ... مَتْحًكْمه الحراميه
 عراق الخيروالأيمان والدين
 رمز عزنا وفرحنا والهويه