عروستنا تظل بغداد حلوة وزاهية وخضره
 تراهي بشارب الغانم بسيفة وغيرته وصبره
 نموت ولا تمر بضيم
 ولا نعرضّها للتقسيم
 فداج الروح يا سمره امينة وسالمه وحره
 ******************************************
 بغداد العلم والنور ماعاش ال عليها يجور
 لجلج يا حبيبة انثور وشعبج غانم ومنصور
 انضحي أولادنا ونجود
 نظيفة وطاهرة لحدود
 ولا حجارة بدرب عثرة من لأنبارللحدباء للبصره
 **********************************
 عراقيين معروفين ما دنكّنا يوم الراس
 نعبر عالمنايا بزود جبال وللوطن حراس
 أهل الغيرة والأصرار
 وجدنا حيدر الكرار
 شهم لو هبّة الغَبرة رمزتاريخنا وذخره
 تظل بغدادنه حره لهب عالظالم وجمره
 فداج الروح يا محبوبتي السمره