اهازيج للشاعر الشعبي ابو صلاح السوداني من محافظة البصرة    دعما لثورة شعبنا في جمعة الرباط

          * * * * * * * *

ماكو أمن واستقرار          والمحتل بيده القرار

ثورة ثورة جبارة             عالمحتل واستعماره

ثورة ثورة عراقية            لا شرقية ولا غربية

ثورتنه تمضي للنصر       كبلها تونس ومصر

يا مالكي باوع زين           لحسني وزين العابدين

نتصده الكل الارهاب        اسمع اسمع يا كذاب

ننتظر يوم الخلاص         والباغي ينول القصاص

المالكي صار زبالة         محد تره بعد ابحاله

لشوكت نتحمل بعد          ذوله الحرامية

الخلود للشهداء              الموت الموت للأعداء

أكرم منكم الشهداء         يا دخلاء يا عملاء        

شوف الشعب بسوء حال   يا مالكي يا دجال

ما نرضى عالضيم انبات    ماعدنه كل اجندات

كل جمعة غضب وجحيم    عالمالكي اللئيم

ثورتنه بجمعة الغضب    وحدت ابناء الشعب

رصاص الغدر ميفيدك     يامالكي منريدك

حال الشعب شوفه عدم     صوته يدوي بالندم

خوجه علي ملا علي        المالكي يظلم هلي

طلقوا سراح السجناء      الالاف منهم ابرياء

شهادات مزورة            نلبسهم مثل القندرة

حال الشعب حاله عدم    كل يوم نعلن للندم

يوم الندم شوفونه          فتح شعبنه عيونه

الشعب يندل طريقه      والندم اصبح حقيقه

للعالم نعلن ندمنه         للمالكي وسفه انتخبنه

هاي طكه وبعد طكه    والشعب يصرخ بحركه

عالكراسي كعدتوا لزكه    والشعب يريد حكه

وين حقوق الإنسان       يا مالكي يا جبان

واجب علينه التغيير       كافي الحجي بس تسطير

هذي ارادة الشعب       كل يوم ثورتنه غضب

يا مالكي ارحل بره      الشعب اليوم يقود الثوره

كافي حواجز يا نذل     ذيل الجلب ما ينعدل

هاي انتفاضتنه ابيه     ضد الظلم والطائفية

يمالكي وين العدالة      تحكمنه زمرة من الجهالة

منريد هاي الاحزاب    حاضنة بس للارهاب

شعب عراقي شكد مكبوت      يا مالكي يا طاغوت

يمالكي كافي الظلم        لا تلزك بكرسي الحكم

يمالكي يادجال          ابو الويو يا حيال

كافي خمط كافي خمط     يا مالكي بكتوا النفط

يا مالكي كافي ضغط      جا وين وديتو النفط

المحتل جابك تحكم النه      وين يروح المطلوب النه

كل يوم نتلاوه وياك         وكل جمعه انظل نتحداك

لا اله الا الله                المالكي عدو الله

ذيج جمعه للبداية        والتجي يوم النهاية

نصر الشعب جاي جاي      يا مالكي شنهو الراي

كل الحواجز متفيد          شعبنه يكسر كل قيد

حزب الدعوه حزب الدعوة        بس اجرام وقتل ورشوه

وين حقوق الخريجين         كلنه نطالب بالتعيين

 الأدب والفن الثقافة         ما كو احد اليرعاهه

نزاهة وشفافية               اسمعوا ياحرامية

المالكي يدك بوقة           واموالنه مسروقة

وشكد ارامل وايتام            انتو السبب ياحكام

مصانعنه معطلة               المحتل جاب الكل بله

            * * * * * * * *

هوسات شعبية

نذكرك نوري لا تنسه جنت بسوريه امفلس

الشاهد ذاك تكانك تبيع السبح ومحابس

على اخوانك جنت تكتب مخبر سري وتدنس

كرب يومك كرب  ...     وين تروح من الثوار

           * * * * * * * *

الشباب تناخوا وثاروا ضد هذا الظلم والجور

ينوري المالكي اسمع الصوت الشعب يا مغرور

دولاب الزمن يفتر عليك اليوم صار يدور

نذكرك والله نذكرك  ...    كبلك نوري أسعيد وين

           * * * * * * * *

ألاف الضحايه شكد مسجونه بــــــلا تــــحقيق

الضماير يمته جا تصحه ومن هذا السبات تفيق

الظلم ومحاصص الاحزاب هي للعدالة تعيــــق

دخيلك ربي دخيلك  ...    منهو الينصف هاي الناس

           * * * * * * * *

الفساد بحكمك استشره ينوري للشعب شتكول

اليعارض تهمته ارهابي بس هذا الوكت ميطول

سلاح الثوري مد سلمي هو اليقلعك وتزول

شعب اعراكي مصمم  ...     درس يلقنك بالتغيير

           * * * * * * * *

ثار الشعب يا نوري خلي ابالك وعلمك

محد يغفر اجرامك هتلر نازي بظلمك

كلي ابيامجان تروح تختل محد يضمك

نكلك والله نكلك  ...      الله اليستر تاليه

           * * * * * * * *

كرسي الحكم لا تلزك كبلك غادروه اثنين

وينه حسني مبارك وكبله علي ابن الزين

شعب اعراقنه قرر ترحل ياغراب البين

نشمرك والله نشمرك  ...     تالي بمزبلة التاريخ

           * * * * * * * *

شعبنه ما وصف حاكم كبلك بالوصف جذاب

نوري المالكي الظالم الخيرات الشعب سلاب

بيزه صرت ما تسوه انت وزمرة الاحزاب

نذكرك نوري نذكرك  ...     كبلك سحلوه بالميدان

           * * * * * * * *

حكوك الشعب مشروعه ومسلوبه ويريد حكوك

وصل حده الفساد اشكد وفوكاهه الظلم وتبوك

دم الاستشهدوا شاهد ذمه بركبتك ظل طوك

نكلك نوري نكلك  ...    حكمك لا ميدوم

           * * * * * * * *

مطالبنه صريحه احنه ينوري عليك تسمعنه

البداية غضب هاي الناس وصارت تالي ثورتنه

احرار ونريد نعيش بكل خيراتنه حكنه

نوري شلون نصدكك  ...     دوم  تجذب يا ملعون

           * * * * * * * *

حكومة نوري أسألكم منو منكم يلاكي الناس

المشاكلهم منو يسمع ليحلها يعتبر مقياس

شعبنه كله خابركم واعرفكم بلايه احساس

مفلس نوري مفلس ...    حكمك صار اليوم

           * * * * * * * *

نص غنائي يصلح كاغنية بعد تلحينه

-----------------------------------

كذاب نوري المالكي        بالقصر كاعد برمكي

والوجه كالح ليلكي          يرجع لأصله مزدكي *

يراس حكومة ناقصة       كله فساد امحاصصه

شعب العراق امشخصه     والكاع منه تشتكي

ايريد حكمه يفرضه       الشعب ثار ويرفضه

صابر على نار اللظى    وبيده يعجنه ايلكلكي

الثورة توضع حد إله       هاي الجرائم ماثله

ويكول عندي مشكلة        بالبرلمان اني اشتكي

المحتل جابه ونصبه             والناس ما مستغربه

وهم يدعي الشعب اضربه      ويريد يغلب بالبكي

تاريخه باقي منمسح             يبيع المحابس والسبح

بظلم الشعب أمره انفضح      والشعب سماه هالكي

* المزدكية : مصطلح يطلق على الحركة الفارسية الباطنية في ايران