وداعة الله يا وطنّا ان شاءالله ما تنثلم
 يروحلك فدوة عمرنا ودوم عالي للنجم
 وتبقى بغداد الحبيبة دار حلوة وتبتسم
 خالية من كل عميل الجاي منّا ينتقم
 وأبد مانحتاج خاين احنا نحتاج الشهم
 وداعة الله يا وطنّا ان شاءالله ما تنثلم
 ****************************
 ارفع راسك يا عراقي ألف منّك ونّعم
 شماتشوف من المصايب انت كدها وتفتهم
 حتى للياذيك دوم تمدْله ايدك للسلم
 مواخوك المعتقل ومواخوك المنعدم
 خلي ايديك بين أديّة ثورة واصراروعزم
 وداعة الله ياوطنّا ان شاءالله ما تنثلم
 ***************************
 احنا مقتدرين اي والله ما ننذل محال
 كنّا أهل غيرة وعزيمة ودوم أسياد الرجال
 العاصفة من تمر بينا نكون أقوى من الجبال
 احنا قول الحق لا نخشى الحواجز والأغلال
 احنا أحفاد الحسين راية الله المعتصم
 وداعة الله ياوطنّا ان شاء الله ما تنثلم
 ***************
 يا عرب يامسلمين احنا بيدينا النصر
 وأبد ما وطّينا راس ولازم انذل الكفر
 ونعرف الدنيا مواقف السوّه طيب الينْذكر
 واللي ما يشد حزامه منّا ماله من عدْنه عذر
 وراح هذا الكون يشهد منهم أشراف الزلم
 وداعة الله يا وطنّا ان شاء الله ما تنثلم