لا تُسمطه انعــال أسُمطه ابقندره
                 اوْ خلـّي فوك احذاك فد كيلو غِره
 حته تلزك عله عِلباته او يصيــر
                 مضحكه للناس واكبر مســـخره
 
 خلّه يمشي او فوك علباته وشم
                 قندره سوده مثل لون الفحــــــم
 إلها زلـّومـه مثل كُل الجـــــــزم
                 طولها شبرين كَد المسطـــــره
 
 خلـّه فـُرجه او خل يشوف المايشوف
                 او من تسمطه انصحك تلبس اجفوف
 او جيب فرقه امرتّبه تضرب ادفوف
                 او خلّي نص دينار سعر التذكـــــره
 
 او لو ردتْ انصاف خلّيها بلاش
                 تدري كل الناس ما عدها معاش
 واسألك مُرْ بيْ على راس الحواش
                 وارْبُطه ابْساحه عريضــه امدوّره
 
 هذا ابن سير النعل باع العــــراق
                 او جاب كلمن عنده خبره بالنفاق
 شِدّه زين او ضيّك اعليه الخناق
                 جنّه زيبك هذا المْسودن تـــــــره
 صار ثَمْنِ اسنين يلغف بالنفط
                 حته لو قطرات يشفُطهن شفُط
 مثل بلّوعــه ولا يشــــبع لفـُط
                 كشف أمره او بعد منهو اليسْتُره
 
 انْكشف للناس كـــل ذاك الدجـــل
                  اوْ بيْنَتْ الحُنطه وسط ذاك الدغل
 بعد ما يخدعنــه فد واحد نغـــــل
                  نعرف اصله امنين إجه او من عبّره
 
 ايصير ايراني على الوادم ايشيخ
                  او هُوه من يسمع دَبْيْ نمْله يليخ
 كُل كفاءاته خِبِرْته بالطــــــــبيخ
                  او باللطم عنده شهاده امــــزوره
 
 جاب فتوه ايكول هايه من الإمام
                  اللي ما يلطم عليه مرته حــرام
 واللطم والنوح أقوه من الصيام
                  همْ سمعتوا مثل هاي الثرثـــره
 
 صار حفنه اسنين واحنه امخدَرين
                 كَطعوا اعلينه حتى الاوكســـــجين
 لا أكل لا ماي لا رُز لا طحيــــــــن
                بس فتاوي والفتاوي امْعنجــــــره
 
 كَـُص إصبعك يلي صوت انطيتهُم
               يركبون اعله الشعب خلـّيتهُــــــم
 ثور علْ الاوغاد واهجم بيتهُـــم
                واهدم الباطل او بالحق دمّـُـره
 
 صدرْ باسم الشعب والامه قرار
                بالتِفال ايموت ابن ذيل الحْمار
 بلكي تفلات الشعب تغسل العار
               او بلكي من ذنب الخيانه اتطهّره