قرانا خبر في موقع المقاومة العراقية واللبنانية والفلسطينية  والافغانية والصومالية والشيشيانية ............. والخبر منشور باللون الازرق  يكول - اصدر المرجع الديني آية الله الإمام الشيخ حسين المؤيد بيانا هاما للشعب العراقي حول انتخابات مجالس المحافظات – .........

قرينا  بيان المؤيد وما نليكه بيه  تحريم للمشاركة في انتخابات الاحتلال بل بالعكس لكينه تشجيع للناس على المشاركة في الانتخابات حتى يرسموا مستقبل العراق..  وينطي تعليمات شلون يتحملون المسؤلية الكبرى وبحيادية- اي انه حيادي ولا يدعم اي قائمة من القواتم... حلو ....وينصحهم شلون يسوون الانتخابات ديمقراطية عصرية ( اخ من العصرية) .... ويوعظ الناس شلون يشاركون - فاحرصوا على أن تكون مشاركتكم في انتخابات مجالس المحافظات بهدف انتقال العراق إلى منعطف إيجابي جديد يضعه على سكة التغيير السياسي الذي يبني الإنسان والمجتمع والدولة بناء وطنيا راقيا.......المصيبة الكبرى ان شيخنا يشجع الناس على الانتخابات وكان الاحتلال الامريكي غير موجود   ...... وكان القوات الايرانية  ما موجودة في كل شبرمن جنوب بغداد ، وشيخنا ما يسمي ..المناخ الموجود ....مناخ احتلال.....بل تجري في مناخ غير طبيعي.....  حلو حلو

هسة احنة شعلينه الشيخ امام وحقه يكول اللي يريده . بس علينه بشغله اخرى ..قبل كم يوم ...نشر نفس الموقع وباللون الاحمر خبر يكول-  فتوى سماحة الاخ المرجع القائد احمد الحسني البغدادي بوجوب مقاطعة انتخابات مجالس المحافظات في العراق.

والفتوى تكول  - بسمه تعالى لا يجوز إطلاقا المشاركة في الانتخابات-  لكونها تجري تحت مظلة الاحتلال الأميركي ، وما سيترتب عنها من نتائج لم ولن تصب إلا في ديمومة الاحتلال وتنفيذ مشروعه التوراتي الاستشراقي في الوطن الجريح على وفق رؤى اعتمدها بالأمس واليوم للموتورين والمفتونين والمشبوهين الذين باعوا أنفسهم وارتضوا مسيرة الذل والهوان كإدلاء للمحتل الفاقد للعواصم الخمسة المشهورة بين الأوساط الفقهية قديماَ وحديثاَ والله العالم

مشكلتنا مو منمو الصح ومنو الغلط... فالمسالة مبينة ....والبغداي صح والمؤيد غلط .... بس مشكلتا وية موقع المقاومة العراقية والفلسطينية واللبنانية والصومالية والافغانية والشيشانية ....كلولنا يبه منو الصح ومنو الغلط.... فتوة البغدادي  بالتحريم ولو تشجيع المؤيد.. ولو كان البغداي صح.... زين ليش تنشرون بيان المؤيد الانبطاحي...هسة غلستوا على تصريح المؤيد ورسالته الى اوباما بعد ان كلبتوا الدنيا على خطاب السيد عزة الدوري...... وعبرناها . ...لا تكللونا حرية نشر... واحنه موقع اعلامي.وتعدد الاراء.... .مقبولة لو جنتو السي ان ان لو العربية ... بس انتو موقع مقاومات الكون كله .....قولو لنا يا سادة يا مقاومين ....  بيان الشيخ المؤيد هم تنطبق عليه قوانين العدالة الثورية ...وشرائع مقاومتكم ....ام لا..  وافتونا هل دعوة المؤيد حلالس ام حرامس.. لو هم راح تخنسون وتغلسون ..