وهنا استغرب هل يمتلك شلش مقعد في البرلمان لكي يحاولون الاستيلاء عليه ، هل شلش خماط او حرامي هذا الوقت الاغبر حتى يحاولون اقتسام السرقة معه ، يعني وين الحكمة من اطلاق نسخ جديده لشلش ، وميخالف اغاتي يا ريت العالم الافتراضي يصير بيه مليون شلش ، بس يكونون ذاك الشلش الذي يسب الامريكان ومن جابهم علينه من خونة وعملاء وكل من يسرق زرق أطفالنا ، هناك من يراسلني يسألني وهناك من يشكك بوجودي وانا مشكلتي تكمن في كيفية الاجابة صدك شر البلية ما يضحك هسه اني هم وهمي وهم يريدون يقفصون عليه عمي الله يساعد الحقيقيين ، واخر كلامي أووكد لكم عدم رغبتي في مشاركتكم عالمكم الواقع فعالمي الافتراضي يكفيني وقد سحقت اعدائي في عالمي ودست رؤوسهم العفنة بقندرتي بينما لا يزال نفس الأعداء يسرحون ويمرحون كضفادع قبيحة في العالم الواقع ، ولنتفق على  قضيه مهمه كل من يحمل اسم شلش ويسب الامريكان وكلابهم وسماسرتهم وقواديهم فهو انا وانا هو ، وكل من لا يفعل هذا فهو لا يمت للعائلة الشلشية بصلة والتي أتشرف بتأسيسها شلش يا جماعة (كائن افتراضي يحب العراق ويكره اللصوص والغرباء ) ولي عودة مفصلة حول (هوشــ ..يـار ازبري عمي سوادي  ) وما يحصل في وزارته وشكرا لكم وكل عام وأنتم بخير والعراق بخير وأطفالنا بألف ألف خير .