شبكة ذي قار
عـاجـل










بالعشرين .. چان الزود لأهل الزود
للمكوار .. وأهله اللي يحملونه
يا ثورة شعب ..
يا شمعة بالتاريخ
لو مال الحمل همه الليعدلونه
يا بو الجون ..
اكعد يا عجيد الگوم
أحفادك هالنشامى الوطن يبنونه
واحضرها يا ضاري
وخل تفكها تثور
لچمن رجع يحكم .. شموكح عيونه
تاريخ الوطن ..
كسرى يتحكم بيه
وإيوان الفرس لازم يهدمونه
بالتحرير ..
صار الشعب فد حزام
وبتشرين ..
گول وفعل یدرونه
نكنسهم كنس ما نخلي
كل غدار ..
تعبناهم احنه .. وما يتعبونه
ثوار ونشامى .. للوطن حراس
صمدوا عالسواتر ..
گرة عيونه
لبغداد العروبة يشهد التاريخ
موعودة بنصر .. واهلچ يكتبونه
من البصرة العزيزة ..
هبوا الثوار
كالو يا وطن احنه النجيب الثار
ونصرك يا شعب .. هم الليجيبونه
من ذي قار ..
يا زود الزلم .. يا شيمة الاحرار
والعايل عليهم .. نفگس عيونه
أحفاد المثنى ودوم رفعة راس
لو مال الوكت حكهم يطلعونه
ثوار النجف جدهم علي الكرار
داحي الباب وانتو اللي تعرفونه
ومن أرض الشهادة فزعوا الأبطال
أهالي كربلا بالضيج يلفونه
تحياتي لأهل بابل حماة الدار
ناداكم وطنا ولا تعوفونه
يا شعب العراق أحداث مرت بيك
لا تسكت على الرادو يسكتونه
باعوك برخص للأجنبي الغدار
وچنهم عالبقی رجعوا يبيعونه
شامخ يا وطن يا بو الحضارات
بيك أبطال والطامع يذلونه
بيك أبطال والطامع يذلونه





الاربعاء ٤ ربيع الاول ١٤٤٢ هـ   ۞۞۞  الموافق  ٢١ / تشرين الاول / ٢٠٢٠ م


أكثر المواضيع مشاهدة
مواضيع الكاتب يوسف الدليمي نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة