شبكة ذي قار
عـاجـل










أعجبتني هذه الحكاية الشعبية البسيطة التي تقول : ( أكو واحد عنده خروف راد يبيعه بالولاية ، ركب الحمار ( أجلكم الله ) ، ربط بركبة الخروف جرس حتى يدك عندما يمشي ، وربط الخروف بذي الحمار ، يكلك الحرامية متابعينه ، وصاحبنا يمشي براحته ويجر سويحلي ومكييف .. واحد من الحرامية حل الخروف وربط الجرس بذيل الحمار وأخذ الخروف و ( فلت ) ، الحمار ماصدك كام يمشي بزهو وهو متونس على صوت الجرس .. لاكاه واحد من الحرامية كله : عمي أكو واحد يخلي الجرس بذيل الحمار ؟!

دار الرجل وجهه لكه الخروف ماكو كال : وروح أبويه نباكينه ، الحرامي كله : شفت واحد باك الخروف وراح بذيج المزرعة ، الحرامي كله : خلي الحمار يمي وروح دور على الخروف .. دور الرجال مالكه الخروف ، رجع لكه الحرامي بايك الحمار ، صفن الرجال وكال : أمري لله راح أدكها مشي للولاية ، المسكين عطش وشاف بالطريق بير ماي راد يشرب .. الناس الواكفين يم البير كالوله : تعرف تسبح ؟! جاوبهم : اي ، كالوله عمي أكو واحد يدكها مشي بهاي الجلهيمة ؟

عرضو عليه طلب وكالوله : وكعت من عدنه بهذا البير صرة مال ذهب طلعها وننطيك فلوس الخروف والحمار .. نزع المسكين والغشيم هدومه ونزل بالبير دور دور مالكه الصرة ، طلع من البير شاف هدومه ماكو ، فتبين نفس الحرامية باكو هدومه .. رباط السالفة الجماعة اذا انتخبناهم مرة ثانية حتى هدومنه يبوكوها ونصير ( أم حسين جنتي بوحدة صرتي باثنين ) .. هذه القصة تنطبق على الجماعة السياسيين والبرلمانيين والي يريدون يطبقون المقولة ( شلع قلع لأموال العراقيين ) .





الاربعاء ٧ جمادي الاولى ١٤٣٩ هـ   ۞۞۞  الموافق  ٢٤ / كانون الثاني / ٢٠١٨ م


أكثر المواضيع مشاهدة
مواضيع الكاتب د . بديع المهنا نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة