اللهم اجعل تدبيرهم في تدميرهم ... وبأسهم بينهم شديد ... اللهم اجعل كيدهم في نحورهم

وردتنا معلومات من احد المقربين من القيادي في حزب الدعوه كمال الساعدي الخبر التالي :-

 الخبــــــــــــــــر :-

ــــــــــــــــــــــــــــــــ

حصل شجار وتعالت الاصوات بين رئيس حكومة الاحتلال نوري المالكي من جهه وبين النائب في ائتلاف دولة القانون وعضو حزب الدعوه  ( كمال الساعدي ) الذي كان يعيش في ايران فتره طويله ثم ذهب الى الدانمارك / ويحمل الجنسيه الدانماركيه

الذي حصل  ان المالكي استدعى كمال الساعدي فأسمعه كلاما توبيخا قاسيا مع تلويح المالكي بابعاد بعض الوجوه من الحزب والائتلاف  " سببت لنا مشاكل واصبحنا في وضع حرج " والكلام للمالكي ...

يفيد المصدر المقرب من الساعدي  ان الساعدي رد عليه  " هسه احنا صرنا موزينين مو احنا دعمناك وقاتلنا من اجلك وخليتنه بوجه الكباحه ( اعتقد يقصد بالكباحه وقوفه في بناية المطعم التركي واعطاءه الاوامر لضرب المتظاهرين في ساحة التحرير )

هنا انفجر المالكي بوجه الساعدي وقال له " انتم من يعرفكم لولا المالكي ؟ انا الذي صنعتكم وصار براسكم خير ؛ ولن اقبل تكونو سبب في تلويث سمعتي وانهاء مستقبلي السياسي ؛ وانت كلش تماديت ؛ اخرج من المكتب وروح اكعد يم مرتك ؛ وما اريد اشوفك بعد اليوم .

هذا الكلام الكلام ادى الى حدوث اغماء لكمال الساعدي ونقل محمولا الى البيت ولازال مريضا

يقول المصدر المقرب  كلفنا احد قيادي حزب الدعوه يتوسط للمالكي ان يعطي الساعدي " باج ولو لزوجته تتحرك فيه " يبدوا ان المالكي سحب  كل شيء من الساعدي وجعله اسير في البيت ويضيف المصدر ان المشاكل داخل حزب الدعوه لم تقتصر على الساعدي بل طالت عدد من اعضاء حزب الدعوه ودولة القانون وتتصاعد بشكل دراماتيكي هذه الايام واصبح احدهم يتهم الاخروهناك  جفاء كبير بينهم   .

 تعليقنا //

ــــــــــــــــــ

لكمال الساعدي

ان الله يمهل ولا يهمل هذه حوبة  الشباب الذين قتلوا باوامرك ياكمال في ساحة التحرير وهذه هي حوبة بكاء الامهات المفجوعات باولادهن الذين قتلوا برصاص لواء 54  .

 تعليقنا للمالكي ||

ـــــــــــــــــــــــــ

ساضع قصيدة الشهيد رحيم المالكي وهو يخاطب غير الشرفاء ممثلين بحسنه مل .. والمعنى بقلب الشاعر )

ياهو المنج اشرف  خاطر اشكيله

دليني يحسنه وباجر امشيله

امشيله واسولف كل حجي المضموم

كبل حفاي كالو هسة ما كو هدوم

بيت من القنابل بالقصف مهدوم

وحكومه بلا حكومه بغير تشكيله

تنازع عله الكراسي والشعب حفاي

وبشرج لاغذاء لا كهرباء لا ماي

احنه اهل النفط والكاك عز الماي

يا حسنه الحكومه تكدر اشيله؟

حكومتنه " الرشيده" ليش هل تأجيل

مو مطرت علينه من السما سجيل

بلوه ابتلينه قابل اهل الفيل

مو هذا ابرهه خل يرد فيله

جوعنه ابرهه والجوع ابو الكفار

ثلث اسنين اسمع ما اشوف اعمار

بس بعض الحكومه اصبحت تجار

بهاي اشهد يحسنه بيوم وبليله

تجار الحكومه والشعب حمال

وياهو اللي يجي يغير الحال

اذا ينعدل وضعي ينعدل ذيله

حكومتنه " الرشيده"  ليش هذا البوك

قط لهذا الشعب ما تضيع حكوك

باجر بانتفاضه  نشك حلوك

عرفنه الباكنه ونعرف اليوميله

وجاءت الانتفاضه كما قالها الشهيد الشاعر رحيم اللي شك حلوك السراق والقتله والمفسدين ... وان غدا لناظره قريب

منظمة الرصد والمعلومات الوطنيه

٢٧ / أذار / ٢٠١١